ഇവിടെ തങ്കമ്മ
ഒക്കത്ത് വിവസ്ത്രനായ കുട്ടന്‍
മറുകൈയില്‍ വക്കു ഞണുങ്ങിയ കുടം
മുന്നില്‍ ആറുപേര്‍
പിന്നില്‍ കുറേപേര്‍
ആറുപേര്‍ക്കും മുന്നില്‍ വെള്ളം ഇറ്റിറ്റു നല്‍കുന്ന
മുനിസിപ്പല്‍ കോര്‍പ്പറേഷന്‍ വക ടാപ്പ്
അവിടെ തങ്കപ്പന്‍
കക്ഷത്ത് പേപ്പറില്‍ പൊതിഞ്ഞ ജോലിത്തുണി
വലതു കൈയില്‍ സിമന്റു പുരണ്ട നോട്ട്
കാലില്‍ ഉണങ്ങിപ്പിടിച്ച മണലിന്റെയും
സിമന്റിന്റെയും മിശ്രിതം
മുന്നില്‍ മൂന്നു പേര്‍
പിന്നില്‍ കുറേ പേര്‍
മൂന്നു പേര്‍ക്കും മുന്നില്‍ നിറമുള്ള കള്ളു നല്‍കുന്ന
ബിവറേജസ് കോര്‍പ്പറേഷന്‍ വക ഷാപ്പ്
ഇവിടെ കുടിവെള്ള പ്രശ്നം
അവിടെയും 'കുടി' വെള്ള പ്രശ്നം
Sunday, June 7, 2009
സൂര്യ ഗര്‍വ്വം
ഞാന്‍ സൂര്യന്‍
നീ ഭൂമി
നീ മാതാവെങ്കില്‍
ഞാന്‍ ദാതാവ്
എന്നെ ചുറ്റിത്തിരിയുക എന്നത്
നിന്റെ യോഗം
നിന്നില്‍ ജീവനായ് പെയ്തിറങ്ങിയത്
എന്റെ ഊര്‍ജ്ജം
നിന്നില്‍ മഴയും മരുവുമുരുവാക്കുന്നത്
എന്റെ താപം
നിന്നില്‍ രാവും പകലും തീര്‍ക്കുന്നത്
എന്‍ വെളിച്ചം
നിന്നിലെ ഋതു-ഭാവ ഭേദങ്ങള്‍
എന്റെ ജാലം
എന്റെ സഹസ്രകര ലാളനകളില്ലെങ്കില്‍
നീ വെറും പാഴ്നിലം
......................................................................................
ഇനിയും നിഷേധമാണു ഭാവമെങ്കില്‍ ...
ഓര്‍ക്കുക..
പിന്നെയുമുണ്ട് എട്ടുപേര്‍ - എന്നെ ചുറ്റുന്നവര്‍ !
നീ ഭൂമി
നീ മാതാവെങ്കില്‍
ഞാന്‍ ദാതാവ്
എന്നെ ചുറ്റിത്തിരിയുക എന്നത്
നിന്റെ യോഗം
നിന്നില്‍ ജീവനായ് പെയ്തിറങ്ങിയത്
എന്റെ ഊര്‍ജ്ജം
നിന്നില്‍ മഴയും മരുവുമുരുവാക്കുന്നത്
എന്റെ താപം
നിന്നില്‍ രാവും പകലും തീര്‍ക്കുന്നത്
എന്‍ വെളിച്ചം
നിന്നിലെ ഋതു-ഭാവ ഭേദങ്ങള്‍
എന്റെ ജാലം
എന്റെ സഹസ്രകര ലാളനകളില്ലെങ്കില്‍
നീ വെറും പാഴ്നിലം
......................................................................................
ഇനിയും നിഷേധമാണു ഭാവമെങ്കില്‍ ...
ഓര്‍ക്കുക..
പിന്നെയുമുണ്ട് എട്ടുപേര്‍ - എന്നെ ചുറ്റുന്നവര്‍ !
Subscribe to:
Posts (Atom)