ഇവിടെ തങ്കമ്മ
ഒക്കത്ത് വിവസ്ത്രനായ കുട്ടന്‍
മറുകൈയില്‍ വക്കു ഞണുങ്ങിയ കുടം
മുന്നില്‍ ആറുപേര്‍
പിന്നില്‍ കുറേപേര്‍
ആറുപേര്‍ക്കും മുന്നില്‍ വെള്ളം ഇറ്റിറ്റു നല്‍കുന്ന
മുനിസിപ്പല്‍ കോര്‍പ്പറേഷന്‍ വക ടാപ്പ്
അവിടെ തങ്കപ്പന്‍
കക്ഷത്ത് പേപ്പറില്‍ പൊതിഞ്ഞ ജോലിത്തുണി
വലതു കൈയില്‍ സിമന്റു പുരണ്ട നോട്ട്
കാലില്‍ ഉണങ്ങിപ്പിടിച്ച മണലിന്റെയും
സിമന്റിന്റെയും മിശ്രിതം
മുന്നില്‍ മൂന്നു പേര്‍
പിന്നില്‍ കുറേ പേര്‍
മൂന്നു പേര്‍ക്കും മുന്നില്‍ നിറമുള്ള കള്ളു നല്‍കുന്ന
ബിവറേജസ് കോര്‍പ്പറേഷന്‍ വക ഷാപ്പ്
ഇവിടെ കുടിവെള്ള പ്രശ്നം
അവിടെയും 'കുടി' വെള്ള പ്രശ്നം
1 comment:
അതൊരു പ്രശ്നം തന്നെയല്ലേ മാഷേ.. ?
ഓ മറന്നു തേങ്ങയുടച്ചില്ല !
ദേ വരുന്നു, (((ഠോ)))
Post a Comment